قهوه رفع عتب

لما نشتهي القهوه بلف الدنيا كلها من اجل انه نشرب قهوه ولما نصل مكان القهوه بسألنا صاحب القهوه
شو قهوتكم ياشباب؟
انا شخصياً بتأخر في الطلب من اجل اني ما اغلب صاحب القهوه .
مثلاً واحد بطلب حلوه والثاني بطلب وسط
والثالث بطلب على الريحه بدكم الصراحه لو كنت انا بعمل القهوه بحكيلهم مافي قهوه او الغاز خلص او مافي سكر .
ولما يشوفوا الشغله مش ولابد بظطروا انه يتركوا القهوه ويمشوا او بطلبوها ساده.
المهم كيف انا مابدي اغلب صاحب القهوه بكون انا وواحد من الشباب هذا الشب بطلب حلوه وبسألني التاجر انت ياشب شو قهوتك بقله خلص امري لله خليها حلوه مثل الشب لاني مابدي اغلبك هذا بده حلوه ونا بدي وسط
بتعمل مرتين قهوه والله مشكله الثنتين حلوه وريح حالك.
بتعجب صاحب القهوه وبقول: بالله عليك شو قهوتك وسط بعملك وسط بحكيله والله بغلبك بقولي يا سيدي غلبني ومش مشكله
بحكيله خلص خليها رفع عتب .
بسألني شو هاي رفع عتب ؟! وبعد ما اجننه بحكيلي والله انك غلبه خلص بعملك اياها حلوه مثلك مثل الشب .